ການປູກຢາງພາລາ ໃນແຂວງ ອຸດົມໃຊ້ ຖືກຢຸດຊງັກໃນເວລານີ້ ເປັນຍອ້ນ ການຈັດສັນທີ່ດີນຍັງບໍ່ທັນຊັດເຈນ ສຳລັບນັກລັງທືນຕ່າງຊາດ

• 
  2008-02-28

ການປູກຢາງພາລາ ໃນແຂວງ ອຸດົມໃຊ້ ຖືກຢຸດຊງັກໃນເວລານີ້ ເປັນຍອ້ນ ການຈັດສັນທີ່ດີນ ຍັງບໍ່ທັນຊັດເຈນ ສຳລັບນັກລັງທືນຕ່າງຊາດ. ທ່ານ ຫຸ່ມແພງ ສຸທິວົງ ຫົວຫນ້າພແນກ ການລົງທືນ ປະຈຳແຂວງຫລວງນ້ຳທາງ ເວົ້!ວ່າ ການປູກຢາງພາລາ ໄດ້ຖືກຢຸດສງັກ ເພາະມີບັນຫາກ່ຽວກັບ ການໃຫ້ບຸຣີມະສິດ ທີ່ດີນໃຫ້ແກ່ນັກລົງທືນ ຍັງບໍ່ທັນຈະແຈ້ງກັນເທືອ່ ແລະກໍ່ເຮັດໃຫ້ນັກລົງທືນ ໃນທຸຣະກິດດັ່ງກ່າວ ບໍ່ສາມາດຂຍາຍພື້ນທີ່ໄດ້ ດັ່ງທ່ານກ່າວໃນຕອນນື່ງວ່າ:

(ສຽງ) "ກ່ຽວກັບຢາງພາລານີ້ ກໍ່ມີຄວາມຍຸ້ງຍາກລຫາຍ ເນືອ່ງຈາກວ່າ ພວກເຂົາ ໄດ້ມີການພິຈາຣະນາ ແລະອະນຸມັດ ໃຫ້ຜູ້ລົງທືນ ໂດຍທີ່ບໍ່ໄດ້ມີການສຳຣວດ ລາຍລະອຽດ ຂອງພືນທ ີ່ແລະມາເບີ່ງແຍງຢາງພາລານີ້ ມັນກວມຢູ່ໃນເຂດ ປ່າສງວນ ປ່າຫວງຫ້າມ ສະນັ້ນ ພວກເຮົ ຈື່ງໄດ້ດຳເນີນໄປຊ້າແດ່ຫນ້ອຍນື່ງ."

ທ່ານກ່າວເພີ້ມອີກວ່າ ພາຍຫລັງ ທີ່ທາງການໄດ້ອະນຸມັດໃຫ້ນັກທຸຣະກິດຈີນ 6 ລາຍແລະເອກຊົນລາວ 2 ລາຍມາລົງທືນປູກຢາງພາລາໃນພື້ນທີ່ປະມານ 34 ພັນເຮັກຕາ ໃນເວລານີ້ ການປູກຢາງພາລາ ໃນແຂວງຄືບຫນ້າພຽງແຕ່ 2 ພັນກວ່າເຮັ້ກຕາເທົ່ານັ້ນ ບໍ່ສາມາດຂຍາຍຕໍ່ໄດ້ເພາະພື້ນທີ່ບຸຣີມະສີດ ກວມໄປເຖີງປ່າສງວນ ທີ່ທາງການລາວໄດ້ ອະນຸລັກໃວ້ ນອກຈາກນັ້ນ ພື້ນທີ່ບາງແຫ່ງກໍ່ເປັນພື້ນທີ່ໆທັບຊ້ອນ ທີ່ທາງການແຂວງສະສົມໃວ້ ສຳລັບການກະສິກຳປູກພືດຣະຍະສັ້ນ ທາງການແຂວງຕ້ອງການອະນຸລັກໃວ້ ສຳລັບການປູກຝັງ ແກ່ປະຊາຊົນຜູ້ທີ່ຢາກສ້າງລາຍໄດ້ຈາກການປູກພືດຊນີດນີ້. ທ່ານກ່າວເຖີງບັນຫາອື່ນໆອີກວ່າ

(ສຽງ) "ແລະບາງດ້ານຜູ້ລົງທືນກໍ່ບໍ່ສາມ ດະຕິບັດຕາມເງືອ່ນໃຂສັນຍາ ເຮົາໄດ້ເຊັ່ນການປູກແລ້ວ ຂະເຈົາຕ້ອງສນອງແນວພັນ ຣະຍະສັ້ນ ເພືອ່ຮັບປະກັນເຮືອງອາຫານ ໃຫ້ແກ່ຊາວບ້ານ ແຕ່ເຂົາກໍ່ສນອງບໍ່ໄດ້ໃນບາງຈດຸ-."

ທ່ານວ່າ ເຫດຜົລທັງຫມົດນີ້ ກໍ່ແມ່ນ ຂາດການສຳຣວດລາຍລະອຽດໃນເບື້ອງຕົ້ນ ການປູກຢາງພາຣາ ຖືວ່າເປັນອາຊີບທີ່ຊາວລາວບໍ່ເຄີຍເຮັ້ດມາກ່ອນ ແລະກໍ່ເປັນການສ້າງລາຍໄດ້ໃນຣະຍະຍາວ ຈື່ງເຮັດໃຫ້ຊາວກະສີກອນລາວ ບໍ່ໃຫ້ຄວາມສົນໃຈຫລາຍພໍປານໃດ.

ສິດນີ້ ຣາຍງານ