ການສໍາຣວດ ແລະສໍາພາດ ຊາວມົ້ງລາວ ຫ້ວຍນໍ້າຂາວ ສໍາເຣັດໄປແລ້ວ 70 ເປີເຊັນ ແລະຄາດວ່າ ຈະເສັດສີ້ນໃນໄວໆນີ້
-
2008-01-25 -
-
-
Your browser doesn’t support HTML5 audio
ຊາວມົ້ງລາວ ໃນເຂດບ້ານຫ້ວຍນໍ້າຂາວ ແຂວງເພັດສະບູນ ຂອງໄທ ເວົ້າວ່າ ເຈົ້າໜ້າທ ີ່ທະຫານ ໄດ້ສໍາພາດ ແລະສໍາຣວດ ຄວາມຄິດເຫັນ ຊາວມົ້ງລາວ ທີ່ຫ້ວຍນໍ້າຂາວ 7 ພັນກວ່າຄົນ ໄກ້ຈະເສັດສີ້ນແລ້ວ ຊຶ່ງເຮັດໃຫ້ ພວກເຂົາເຈົ້າ ຢ້ານກົວວ່າ ຈະຖືກສົ່ງກັບລາວ ໃນອີກບໍ່ນານນີ້ ຕາມຂໍ້ຕົກລົງ ຣະຫວ່າງ ທາງການລາວ ກັບໄທ. ຊາວມົ້ງລາວ ທີ່ຫ້ວຍນໍ້າຂາວ ຜູ້ນຶ່ງໃຫ້ຣາຍລະອຽດ ກ່ຽວກັບບັນຫານີ້ວ່າ:
(ສຽງ) "ແຕ່ວ່າ ດຽວນີ້ໝົດ 70 ເປີເຊັນ ແລ້ວ ເພິ່ນເວົ້າວ່າ ການສໍາພາດ ຈະທໍາດ້ວຍມະນຸດສະທໍາ ແຕ່ວ່າ ກະວ່າເຄີ່ງເດືອນ ກໍຈະໝົດແລ້ວລະ ດຽວນີ້ສໍາພາດໝົດໄປ 5 ກຸ່ມ ຍັງແຕ ່2 ກຸ່ມ."
ເຈົ້າໜ້າທີ່ ທະຫານໄທ ໄດ້ສອບຖາມປະວັດເບື້ອງຕົ້ນ ຂອງຊາວມົ້ງລາວນັ້ນ ວ່າບ້ານເດີມ ຢູ່ໃສ ມາຈາກປ່າ ຫລືວ່າເມືອງໃດ ໜີເຂົ້າໃທດ້ວຍເຫດຜົນອັນໃດ ມີອັນຕະຣາຍແທ້ຫລືບໍ່. ພ້ອມກັນນັ້ນ ກໍມີການຖ່າຍຮູບ ແລະແປະໂປ້ ແຕ່ລະຄົນ.
ຂະນະນີ້ ໄດ້ສໍາພາດໄປແລ້ວ 5 ກຸ່ມ ຍັງເຫລືອອີກ 2 ກຸ່ມ. ໃນຣະຫວ່າງການສໍາພາດ ເຈົ້າໜ້າທີ່ທະຫານ ຈຸລະປະມານ 5 ຫາ 7 ຄົນ ເປັນຜູ້ລົງສໍາຣວດ ແລະບັນທຶກ ໂດຍບໍ່ມີການ ບີບບັງຄັບໃດໆ. ໃນການສໍາຣວດນັ້ນ ທາງເຈົ້າໜ້າທີ່ທະຫານ ບອກວ່າ ເຮັດໄປດ້ວຍຄວາມຈີງໃຈ ແລະຄໍານຶງເ ຖີງຫລັກມະນຸດສະທໍາ. ແຕ່ເຖີງແນວໃດ ຊາວມົ້ງລາວ ກໍຍັງສະແດງ ຄວາມວິຕົກກັງວົນຢູ່. ດັ່ງຊາວມົ້ງລາວຜູ້ດຽວກັນນີ້ ເວົ້າຕໍ່ໄປວ່າ:
ຈະເຮັດໃຫ້ພວກເຮົາ ໄດ້ຢ້ານກົວ ການສໍາພາດ ຄັ້ງນີ້ ບໍ່ໄປສໍາພາດ ກໍບໍ່ໄດ້ ໄປສໍາພາດ ກໍບໍ່ດີ ຂໍໃຫ້ ທຸກໆອົງການ ນາໆຊາດ ຈັບຕາເບີ່ງ ແລະ ຍື່ນມືມາຊ່ວຍ ພວກຂ້າດ້ວຍ.
(ສຽງ) "ຈະເຮັດໃຫ້ພວກເຮົາໄດ້ຢ້ານກົວ ການສໍາພາດຄັ້ງນີ້ ບໍ່ໄປສໍາພາດກໍບໍ່ໄດ້ ໄປສໍາພາດກໍບໍ່ດີ ຂໍໃຫ້ທຸກໆອົງການນາໆຊາດ ຈັບຕາເບີ່ງ ແລະຍື່ນມືມາຊ່ວຍ ພວກຂ້າດ້ວຍ."
ອີງຕາມຂໍ້ຕົກລົງລາວ-ໃທ ແລ້ວແມ່ນວ່າ ພວກເຂົາເຈົ້າ ຈະຖືກສົ່ງກັບ ພາຍໃນ ປີ 2008 ນີ້. ການເກັບກໍາຂໍ້ມູນ ກ່ຽວກັບຊາວມົ້ງລາວ ຫ້ວຍນໍ້າຂາວ ເທື່ອນີ້ບໍ່ເປັນເທື່ອທໍາອິດ ແຕ່ກໍເປັນເທື່ອທໍາອິດ ທີ່ມີການ ເກັບກໍາຂໍ້ມູນ ດ້ວຍການໄຊ້ compute -ບັນທຶກ.
ນອກຈາກນັ້ນ ຍັງມີການຂັດເລືອກ screening ຊາວມົ້ງລາວ ຜູ້ອາດປະເຊີນກັບ ໄພອັນຕຣາຍ ຫາກຖືກສົ່ງກັບນັ້ນ ໄປພ້ອມໆກັນ ເພື່ອສ້າງຄວາມໝັ້ນໃຈວ່າ ຜູ້ທີ່ຢູ່ໃນສະພາບ ທີ່ຊ່ຽງແທ້ໆນັ້ນ ກໍຈະມີການພິຈາຣະນາ ບໍ່ສົ່ງກັບ.
ມະນີຈັນ ຣາຍງານ
ອ່ານຂ່າວເພີ້ມເຕີມ
- ຣັດຖະບານລາວ ຮຽກຮ້ອງ ໃຫ້ທຸກໆແຂວງ ຂອງລາວ ສະກັດກັ້ນ ການຣະບາດ ຂອງໂຣກຖອກທ້ອງ cholera
- ສໍານັກງານຂົນສົ່ງທາງນໍ້າ ແລະ ພານິດນາວີ ແຂວງຊຽງຮາຍ ຂອງໄທ ຕຽມຮັບມື ກັບສະພາບຣະດູແລ້ງ ທີ່ອາດສົ່ງຜົນກະທົບ ຕໍ່ການຂົນສົ່ງ ທາງເຮືອ ຕາມລຳນ້ຳຂອງ
- ຍັງມີ ຊາກກະດູກ ໂຕ ໄດນາຊໍຣ ທີ່ຖືກປ່ອຍຖິ້ມຮ້າງ ຢູ່ຕາມທັມມະຊາດ ເປັນຈໍານວນຫລວງຫລາຍ ໃນພື້ນທີ່ ແຂວງສວັນນະເຂດ
- ການໄຟຟ້າ ແຂວງຫລວງພຣະບາງ ຂາດທຶນ ມາໂດຍຕລອດ ເນື່ອງຈາກວ່າ ຊື້ໄຟຟ້າ ໃນຣາຄາແພງ ແລະ ຂາຍ ໃນຣາຄາຖືກ
- ແຂວງໄຊຍະບູຣີ ຍັງມີກຸ່ມຄົນ ຈໍານວນນຶ່ງ ທີ່ເສບ ແລະ ຂາຍຢາບ້າ ຫລົງເຫລືອຢູ່
- ແຂວງອັຕປື ຕ້ອງການໃຫ້ມີນັກທຸຣະກິດ ເຂົ້າໄປລົງທຶນພັທນາ ຫລັງຈາກ ເປີດດ່ານສາກົນ ຣະຫວ່າງ ລາວ-ວຽດນາມ ຢ່າງເປັນທາງການ ເມື່ອມໍ່ໆມານີ້
- ລາວ ຂໍຄວາມຊ່ອຍເຫລືອ ຈາກຣັຖບານຊຸດໃໝ່ ຂອງໄທ ໂດຍຜ່ານ ຄະນະກັມມະການ ໂອແລັມປິກໄທ ໃນການກຽມໂຕ ເປັນເຈົ້າພາບກິລາ ຊີແກມຊ໌ ຄັ້ງທີ 25 ໃນປີ 2009
- ເຈົ້າຂອງຜູ້ລົງທຶນ ສ້າງເຂື່ອນໄຟຟ້ານ້ຳເຊືອງ ສນັບສນູນ ດ້ານງົບປະມານ ເພື່ອກາຣພັທນາເມືອງປາກເຊືອງ ແຂວງຫລວງພຣະບາງ
- ນັກທ່ອງທ່ຽວ ຈາກວຽດນາມ ບໍ່ນິຍົມໃຊ້ເສັ້ນທາງ ຜ່ານສວັນນະເຂຕ ໄປຍັງມຸກດາຫາຣ ເພາະວ່າໄກລ ແລະຍຸ້ງຍາກ
- ຜູ້ຕາງໜ້າຈາກ 5 ປະເທດ ເຂຕລຸ່ມແມ່ນ້ຳຂອງຕອນເທີງ ຮ່ວມປະຊຸມ ເພື່ອຄວບຄຸມ ໂຣຄປາກເປື່ອຽລົງເລັບ