ທ່ານ ໂອບາມາ ຊະນະ ການເລືອກຕັ້ງ
“ສຽງໂຫ່ຮ້ອງ ຂອງປະຊາຊົນ ກວ່າ 45 ພັນຄົນ ທີ່ມາຊຸມນຸມ ຮັບຕ້ອນ ໄຊຊະນະ ຂອງ ທ່ານ Obama ໃນມື້ຄືນນີ້ ທີ່ ນະຄອນ Chicago ຣັຖ illionois…”
-
ຊິດນີ ຣາຍງານ
2008-11-05 -
-
-
ທ່ານ ໂອບາມາ ຊະນະ ການເລືອກຕັ້ງ ປະທານາທີບໍດີ ຄົນ ອັຟຣີກັນ-ອາເມຣີກັນ ຄົນທຳອີດ ໃນປວັດສາດ ຂອງສະຫະຣັຖ ໃນຄືນນີ້. ໃນຄຳປາໃສ ຮັບໄຊຊະນະ ຫລັງຈາກ ຜົນ ຂອງການເລືອກຕັ້ງ ສີ້ນສຸດລົງ ທ່ານ ໂອບາມາ ປະທານາທິບໍດີ ຄົນທີ 44 ຂອງ ສະຫະຣັຖ ເວົ້າວ່າ:
“ມີໃຜແດ່ ໃນສະຫະຣັຖ ທີ່ຍັງບໍ່ເຊື່ອ ໃນຄຳເວົ້າ ທີ່ວ່າ ທຸກຢ່າງ ເປັນໄປໄດ້ ໃນສະຫະຣັຖ, ມີໃຜແດ່ ຍັງກັງວົນ ທີ່ວ່າ ຄວາມຝັນ ຂອງບັນທະບຸຣຸດ ຂອງເຮົາ ຈະບໍ່ບັນລຸ ເຖີງເປົ້າຫມາຍ ແລະ ມີໃຜແດ່ ຍັງມີຄຳຖາມ ກ່ຽວກັບ ຣະບອບ ປະຊາທີປະຕັຍ ທີ່ວ່າ ທຸກຊົນ ຊັ້ນທຳໄດ້ ຖ້າມີ ຄວາມພະຍາຍາມ ຄຳຕອບທັງຫມົດນັ້ນ ແມ່ນຢູ່ໃນ ຜົນໄຊຊະນະ ການເລືອກຕັ້ງ ຂອງທ່ານ ໃນຄືນນີ້.”
ທ່ານ ໂອບາມາ ຊະນະ ການເລືອກຕັ້ງ ຢ່າງຂາດລອຍ ດ້ວຍຈຳນວນ electoral votes 290 ຕໍ່ 145 ໃນຂະນະທີ່ ປະກາດ ໄຊຊະນະ, ຊຶ່ງທັງໝົດ ແມ່ນ 349 ຕໍ່ 163. ຣັຖ ທີ່ເຄີຍ ອອກສຽງ ໃຫ້ພັກ Republican ບາງຣັຖ ກໍ່ຫັນມາ ອອກສຽງ ໃຫ້ທ່ານ. ໃນຂະນະດຽວກັນ ທ່ານ John McCain ຄູ່ແຂ່ງ ຈາກພັກ Republican ກໍ່ໄດ້ກ່າວ ສະແດງ ຄວາມຊົມເຊີຍ ໃນໄຊຊະນະ ຂອງ ທ່ານ ໂອບາມາ ວ່າ:
“ນີ້ແມ່ນການເລືອກຕັ້ງ ຄັ້ງປວັດສາດ ຂອງສະຫະຣັຖ ທີ່ຄົນ ອັຟຣິກັນ-ອະເມຣີກັນ ຊະນະ ການເລືອກຕັ້ງເປັນປະທານທິບໍດີ ເປັນໂອກາດ ອັນພິເສດ ແລະ ສຳຄັນ ແລະ ທ່ານ ຍັງເຊືອ່ວ່າ ອະເມຣີກາ ຍັງໃຫ້ໂອກາດ ຄົນທຸກຊົນນັ້ນຢູ່.”
ເຖິງຢ່າງໃດກໍຕາມ ນັກວີຊາການ ຈາກຫລາຍພາກສ່ວນ ກໍ່ບອກວ່າ ການທີ່ນາຍ ໂອບາມາ ໄດ້ຮັບໄຊຊະນະເທື່ອນີ້ ບໍ່ແມ່ນມາຈາກ ຄວາມດົງດັງ ຂອງທ່ານ ແຕ່ມາຈາກ ຄວາມເບື່ອຫນ່າຍ ຂອງປະຊາຊົນ ອະເມຣີກັນ ຕໍ່ສົງຄາມໃນອີ່ຣັກ ແລະ ອັຟການີສຖານ ແລະ ສະພາບເສຖກິດ ຕົກຕ່ຳ ຂອງປະທານາທິບໍດີ ບຸສຈ໌ ນັ້ນເອງ.