ຈ.ມ ຈາກຜູ້ຟັງ 07/24/21

• ໄມ​ຊູ​ລີ
  2021-07-24

ຄວາມຄຶດຄວາມເຫັນ ກ່ຽວກັບຂ່າວ ຊາວບ້ານເສັຽດິນໄດ້ຮັບ ຄ່າຊົດເຊີຍ ບໍ່ເປັນທັມ, ໃນວັນຄົບຮອບ 3 ປີ ເຂື່ອນແຕກ ແຕ່ຊາວບ້ານ ທີ່ໄດ້ຮັບ ຜົລກະທົບ ຍັງຢູ່ຢ່າງ ລຳບາກ, ອົງການ ທີ່ບໍ່ຂຶ້ນກັບຣັຖບານ ຮຽກຮ້ອງ ໃຫ້ທາງການລາວ ແກ້ໄຂ ບັນຫາ ຄວາມທຸກຍາກ, ສິດທິມະນຸດ, ສິດເສຣິພາບ ຂອງ ປະຊາຊົນ ແລະ ຂ່າວອື່ນໆ.

ຄວາມ​ຄຶດ​ຄວາມເຫັນ ​ບາງ​ຕອນ:

ບັນຫາທີ່ດິນ ກັບປະຊາຊົນ ຈະບໍ່ເຫືອດຫາຍໄປຈາກ ສປປລາວ ຕາບໃດ ທີ່ພັກປະຊາຊົນ ປະຕິວັດລາວ ຍັງມີອຳນາດຢູ່ ແລະ ຕາບໃດ ລະບອບຄອມມິວນິດ ຍັງຢູ່ໃນປະເທດລາວ ເພາະວ່າ ພັກລັດ ຕັ້ງກົດ ອອກມາເອງວ່າ ດິນດອນ ທັງໝົດ ໃນປະເທດລາວ ເປັນຂອງ ເຄືອຍາດ ພັກລັດ, ດັ່ງນັ້ນ ຈະບໍ່ມີໃຜ ມີສິດເປັນເຈົ້າຂອງ ດິນດອນທັງຫລາຍ ປະຊາຊົນ ມີພຽງສິດ ນຳໃຊ້ເທົ່ານັ້ນ.