ຄວາມໂປ່ງໃສຂອງຫວຍພັທນາ

• ອຸ່ນແກ້ວ ສຸກສະຫວັນ
  2020-03-11

ໃນເດືອນກຸມພາ ຜ່ານມາ ບໍຣິສັດ ຣັຖວິສາກະກິດຫວຍພັທນາ ໄດ້ອອກແຈ້ງການ ເພີ້ມການອອກຫວຍ ຈາກອາທິດລະຄັ້ງເປັນອາທິດ ລະສອງຄັ້ງ ຊຶ່ງວ່າກ່ຽວກັບເຣື່ອງນີ້ ກໍມີຜູ້ຕັ້ງຄຳຖາມວ່າ ການອອກຫ້ວຍອາທິດລະສອງຄັ້ງ ຈະບໍ່ເປັນການມອມເມົາ ປະຊາຊົນໃຫ້ຫລິ້ນ ການພະນັນຫຼືບໍ່ ແລະ ໃນການອອກຫວຍນັ້ນ ຈະມີຄວາມໂປ່ງສຂນາດໃດ ເພາະທີ່ຜ່ານມາ ກໍມີຄົນວິຈານວ່າ ມີການລ໊ອກເລກ.

ຂໍ້ສົງໃສເຫຼົ່ານີ້ ມີຄວາມເປັນໄປໄດ້ໜ້ອຍຫລາຍຂນາດໃດ, ຂ້າພະເຈົ້າ ມີໂອກາດໄດ້ສຳພາດ ທ່ານ ສິດທິສົມພອນ ຫລວງສຸວັນນະວົງ ຫົວໜ້າກົມການເງິນ ຫ້ອງວ່າການ ສະພາແຫ່ງຊາດ ຊຶ່ງ ທ່ານກໍເປັນນຶ່ງ ໃນຄະນະກັມມະການ ຫວຍພັທນາລາວ, ເຊີນທ່ານຮັບຟັງ ຄໍາອະທິບາຍ ຂອງເພິ່ນ ວ່າເປັນແນວໃດ.