ບ້ານລາວໃນປະເທດໄທ ຕອນ 14

ຊີວິດ ການເປັນຢູ່ ຂອງ ຄົນລາວ ໃນ ສະໄໝ ກຣຸງທົນບູຣີ ວ່າ ຄົນລາວ ທີ່ຖືກ ກວາດຕ້ອນ ໄປຢູ່ ສຍາມ ນັ້ນ ມີຜູ້ຕາຍ ຢູ່ກາງທາງ ຫຼາຍກວ່າ ຈໍານວນ ທີ່ ລອດຊີວິດ ເຖິງ 2 ເທົ່າ. ສໍາລັບ ຜູ້ເຫຼືອ ລອດຊີວິດ ໄປໄດ້ ນັ້ນ ມີແຕ່ພຽງ 3,000 ຄົນ ເທົ່ານັ້ນ. ສຍາມ ໄດ້ ປະຕິບັດ ຕໍ່ຄົນລາວ ດ້ວຍການ ໃຊ້ ຣະບົບ ໄພ່ ປົກຄອງ ມີ “ການເຂົ້າເດືອນ”, ມີໄພ່ສົມລາວ ແລະ ມີໄພ່ ຫຼວງລາວ ໃນ ກົມອາສາ. ສັປດາ ນີ້ ຈະໄດ້ກ່າວ ເຖິງ ການຍ້າຍຖິ່ນ ຂອງຄົນລາວ ທີ່ເຂົ້າໄປ ຢູ່ ຫົວເມືອງ ຊັ້ນໃນ ໃນສະໄໝ ກຣຸງ ຣັດຕະນະໂກສິນ.