ရခိုင်နဲ့ မွတ်စလင်အကြား သင့်မြတ်စေတဲ့ ဘုမေ မွတ်စလင်ရွာစျေး

• RFA Burmese
  2023-10-09

ရခိုင်ပြည်နယ် စစ်တွေမြို့ရဲ့ ဘုမေ မွတ်စလင်ရွာစျေးဟာ ရခိုင်တိုင်းရင်းသားတွေနဲ့ မွတ်စလင်တွေကြား ပြန်လည်သင့်မြတ်စေမှုမှာ အဓိကကျတဲ့နေရာပါ။

ဒီစျေးမှာပဲ ကြက်၊ အမဲသား၊ ငါး၊ ပုစွန်၊ ကဏန်းတွေနဲ့ ဟင်းသီးဟင်းရွက်တွေကို အပြန်အလှန်ရောင်းဝယ်ကြရင်း နှစ်ဖက်ဆက်ဆံရေးဟာ ပိုပြီးကောင်းမွန်လာခဲ့တာလို့ အဲဒီမှာနေထိုင်သူတွေက ပြောပါတယ်။

ရခိုင်မှာ ၂၀၁၂ ခုနှစ်က ရခိုင်နဲ့ မွတ်စလင်ကြား ပဋိပက္ခတွေဖြစ်ခဲ့ပြီးနောက် မွတ်စလင် အများအပြား စစ်တွေမြို့ပေါ်ကနေ အိုးအိမ်စွန့်ခွာ ထွက်ပြေးခဲ့ရပါတယ်။

အဲဒီနောက် မွတ်စလင်တွေဟာ မြို့ထဲကို လွတ်လပ်စွာသွားလာခွင့် မရတော့တာကြောင့် ဒီဘုမေရွာစျေးမှာပဲ ရောင်းချနေကြတာပါ။ ဒီစျေးအနီးမှာ စစ်ကောင်စီတပ်ရဲ့ စစ်ဆေးရေးဂိတ်တွေလည်း ချထားပါတယ်။

လက်ရှိမှာတော့ ဒီဘုမေရွာစျေးမှာပဲ ရခိုင်တိုင်းရင်းသားတွေနဲ့ မွတ်စလင်တွေကြား နေ့စဉ်နေ့တိုင်း ရောင်းဝယ်ဆက်ဆံကြရင်း အရင်လို ပြန်လည်သင့်မြတ်နေကြပြီလို့ ဒေသခံတွေက ပြောပါတယ်။