ဗြိတိန်ပါလီမန်အမတ်အဖွဲ့ ဗီဇာ ငြင်းပယ်ခံရ

• 
  2018-03-01

ဒုက္ခသည်အရေးကိစ္စအတွက် မြန်မာအစိုးရ၊ တပ်မတော်ထိပ်ပိုင်းခေါင်းဆောင်တွေနဲ့ တွေ့ဆုံဆွေးနွေးမယ့် ဗြိတိန်ပါလီမန်အမတ်အဖွဲ့ကို ပြည်ဝင်ခွင့်ဗီဇာ မပေးတဲ့အတွက် အလွန်တရာ စိတ်ပျက်မိတယ်လို့ ဗြိတိန်ပါလီမန် အပြည်ပြည်ဆိုင်ရာဖွံ့ဖြိုးရေးကော်မတီ CIDC ရဲ့ ကိုယ်စားလှယ်အဖွဲ့က ပြောပါတယ်။

သူတို့အဖွဲ့ဟာ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် အပါအဝင်၊ တပ်မတော်ခေါင်းဆောင်တွေ၊ အရပ်ဘက်ခေါင်းဆောင်တွေနဲ့ တွေ့ဆုံဆွေးနွေးဖို့ ပြင်ဆင်ထားပြီး၊ မကွေးတိုင်းနဲ့ ရခိုင်ပြည်နယ်မှာ ပညာရေးနဲ့ ကျန်းမာရေးစီးမံကိန်းတွေအတွက် လေ့လာဖို့လည်း စီစဉ်ထားတယ်လို့ ဆိုပါတယ်။