မုံရွာမှာ ပစ်ခတ်နေ၊ သုံးဦးသေဆုံး
စစ်ကိုင်းတိုင်း၊ မုံရွာမြို့မှာ ဒီနေ့မနက် အစောပိုင်းကစပြီး စစ်ကောင်စီတပ်တွေ အကြမ်းဖက် ပစ်ခတ်နေတာကြောင့် နံနက် ၁၀ နာရီခွဲထိ အရပ်သား သုံးဦး ကျည်ဆံထိမှန်ပြီး နေရာမှာတင် ပွဲချင်းပြီး သေဆုံးသွားတယ်လို့ RFA က ကနဦး စုံစမ်းသိရပါတယ်။
- 2021-04-03
-
-
-
မုံရွာမြို့မှာ စ်အာဏာရှင် ဆန့်ကျင်ရေး ဒေသခံတွေ ဆန္ဒပြနေစဉ်
Photo: CJ
စစ်ကိုင်းတိုင်း၊ မုံရွာမြို့မှာ ဒီနေ့မနက် အစောပိုင်းကစပြီး စစ်ကောင်စီတပ်တွေ အကြမ်းဖက် ပစ်ခတ်နေတာ ကြောင့် နံနက် ၁၀ နာရီခွဲထိ အရပ်သား သုံးဦး ကျည်ဆံထိမှန်ပြီး နေရာမှာတင် ပွဲချင်းပြီး သေဆုံးသွားတယ်လို့ RFA က ကနဦး စုံစမ်းသိရပါတယ်။
သေဆုံးသူတွေဟာ ခေါင်းနဲ့ ဆီးခုံတွေကို ကျည်ဆံထိမှန် သေဆုံးသွားတာလို့ မျက်မြင်ဒေသခံတွေက RFA ကိုပြောပါတယ်။
ဒီကနေ့ မုံရွာက သပိတ်လမ်းကြောင်းတွေကို စစ်ကောင်စီတပ်ဖွဲ့တွေက လိုက်လံ ပစ်ခတ်နေတာဖြစ်ပြီး ရပ်ကွက်နေအိမ်လမ်းကြားတွေထဲထိ ဝင်ရောက်ပစ်ခတ်နေတယ်လို့ ဒေသခံတွေက ပြောပါတယ်။
ဖေဖော်ဝါရီလ ၁ ရက်နေ့ စစ်အာဏာသိမ်းချိန်ကစလို့ ဒီနေ့ထိ မုံရွာမှာ စစ်တပ်နဲ့ရဲ ပစ်ခတ်မှုကြောင့် သေဆုံးသူ ၂၃ ဦးရှိသွားပါပြီ။
နေ့စဉ် ပစ်သတ်ခံရလို့ လူသေဆုံးမှုတွေ ရှိနေပေမယ့် မုံရွာဒေသခံတွေကတော့ နေ့တိုင်း လမ်းမပေါ်ထွက် စစ်အာဏာရှင်ကို ဆန့်ကျင်နေကြဆဲဖြစ်ပါတယ်။