လောက်ကိုင်နဲ့ ကုန်းကြမ်း ရဲစခန်းကို ဝင်တိုက်မယ်ဆိုတဲ့ သတင်းကြောင့် ရဲမိသားစုတွေ စိုးရိမ်

"ကလေးတွေအခု ၁၀ တန်းစာမေးပွဲတွေ ဖြေပြီးတဲ့အချိန်ကျရင် ကိုးကန့်သောင်းကျန်းသူအနေနဲ့ လောက်ကိုင်နဲ့ ကုန်းကြမ်းကို တိုက်ခိုက်မယ်ဆိုတဲ့ သတင်းလေးတွေရထားတယ်လေ။ လောက်ကိုင်ခရိုင်မှူးကတော့ ပြန်ချင် လည်းပြန်ကြပေါ့။ ဒီမိသားစုလေးတွေဆိုပြီးပြောလိုက် တာပေါ့။ ပြောလိုက်တော့တချို့ကလည်း ချဲ့ကားပြီးတော့ မှ တိုက်ပွဲတွေ ဖြစ်တယ်ဆိုတဲ့ဟာမျိုးပေါ့။ ခရိုင်မှူးကလည်း သူ့မိသားစုဝင်တွေရဲ့ အနေအထားအရ စာမေးပွဲဖြေပြီး ရင်တော့ ပြန်ချင်ပြန်နိုင်တယ်ပေါ့။ ကျနော်တို့က ယူနီဖောင်းဝတ်တဲ့ တပ်ဖွဲ့ဝင်စည်းမျဉ်းတွေဆိုတော့ သူရဲ့အ ဆင့်ဆင့်တင်ပြပြီးတော့ ပြန်ခွင့်ပြုမယ်ဆိုပြီး အဲ့လိုမျိုးလေးပြောလိုက်တာပေါ့။ "

တရုတ်-မြန်မာနယ်စပ်မြို့တွေဖြစ်တဲ့ မော်ထိုက်နဲ့ကုန်းကြမ်းမြို့က ကျေးရွာတွေမှာ အစိုးရ တပ်မတော်နဲ့ ကိုးကန့်တပ်မတော်တို့ တိုက်ပွဲတွေဖြစ်ပွားနေ တာရှိပေမယ့် လောက်ကိုင်နဲ့ ကုန်းကြမ်းမြို့ပေါ်မှာ စိုးရိမ်ရတဲ့ အနေအထားတွေ မရှိဘူးလို့ ပြောပါတယ်။

၂၀၀၉ ခုနှစ်က လောက်ကိုင်ဒေသမှာ ဖြစ်ပွားခဲ့တဲ့တိုက်ပွဲကာလအတွင်း ရဲတပ်ဖွဲ့ဝင်တွေ ဖမ်းဆီးချုပ်နှောင်ခံခဲ့ရပြီး သတ်ဖြတ်ခံခဲ့ရတာတွေရှိသလို ၂၀၁၅ ခုနှစ်ဖေဖော်ဝါရီလမှာ ဖြစ်ပွားခဲ့တဲ့တိုက်ပွဲတွေမှာ ရဲစခန်းတွေတိုက်ခိုက်ခံရပြီး ရဲတပ်ဖွဲ့ဝင်တွေသေဆုံးခဲ့တာတွေရှိတာကြောင့် ရဲတပ်ဖွဲ့ဝင် မိသားစုတွေရဲ့ လုံခြုံရေးနဲ့ပတ်သက်ပြီး စိုးရိမ်မှုတွေရှိနေတာ ဖြစ်ပါတယ်။

ပြီးခဲ့တဲ့ ၂၀၁၆ ခုနှစ် နိုဝင်ဘာလက မုံးကိုးရဲစခန်းတိုက်ခိုက်ခံခဲ့ရတဲ့အချိန်ကလည်း လောက်ကိုင်ခရိုင်အတွင်းက ရဲတပ်ဖွဲ့ဝင်မိသားစုတွေကို လားရှိုးမြို့ပေါ် ကို ပြောင်းရွှေ့ နေရာချထားခဲ့ပြီး ပြီးခဲ့တဲ့ဇန်နဝါရီလက လောက်ကိုင် ကို ပြန်လည်ခေါ်ယူ ခဲ့တာ ဖြစ်တယ်လို့ ပြောပါတယ်။