မင်္ဂလာဈေး အသစ်ဆောက်မယ်
ရန်ကုန်တိုင်း မင်္ဂလာတောင်ညွန်မြို့နယ်က မီးလောင်ပျက်စီးခဲ့တဲ့ မင်္ဂလာဈေး ကို နိုင်ငံတော်ဘဏ္ဍာငွေနဲ့ အသစ်ဆောက် လုပ်ပေးသွားမှာဖြစ်တယ်လို့ ရန်ကုန်တိုင်း လွှတ်တော် လူမူရေးနဲ့ စီမံခန့်ခွဲရေးကော်မတီအဖွဲ့ဝင် လွှတ်တော်ကိုယ်စားလှယ် ဦးလှဌေး က ပြောပါတယ်။
-
2016-07-06 -
-
-
ရန်ကုန်တိုင်း မင်္ဂလာတောင်ညွန်မြို့နယ်က မီးလောင်ပျက်စီးခဲ့တဲ့ မင်္ဂလာဈေးကို နိုင်ငံတော် ဘဏ္ဍာငွေနဲ့ အသစ်ဆောက်လုပ်ပေးသွားမှာဖြစ်တယ်လို့ ရန်ကုန်တိုင်းလွှတ်တော် လူမူရေးနဲ့ စီမံခန့်ခွဲရေးကော်မတီအဖွဲ့ဝင် လွှတ်တော်ကိုယ်စားလှယ် ဦးလှဌေးက ပြောပါတယ်။
ဒီကနေ့ ရွှေတိဂုံဘုရား အရှေ့ဘက်မုဒ်မှာရှိတဲ့ မင်္ဂလာဈေးဓမ္မာရုံမှာ မင်္ဂလာဈေး ဈေးသူဈေးသားတွေနဲ့ တွေ့ဆုံရာမှာ တိုင်းဒေသကြီးလွှတ်တော်ကိုယ်စားလှယ် ဦးလှဌေး က ပြောတာဖြစ်ပါတယ်။
"ကျနော်တို့ လူမှုရေးနဲ့ စီမံခန့်ခွဲရေးကော်မတီ ဥက္ကဌက ဈေးသူဈေးသားတွေ တစ်ပြားတစ်ချပ်မှ ပေးစရာမလို ဘဲ နိုင်ငံတော်ရဲ့ဘတ်ဂျက်နဲ့ ဆောက်ပေးအောင်လို့ ဆောင်ရွက်ပေးမယ်လို့ ပြောခဲ့တယ်၊ ဒီစကားကလည်း ဈေး သူဈေးသားတွေကို တကယ့်စေတနာနဲ့ပြောတာပါ"
မင်္ဂလာဈေးကြီးကို တစ်နှစ်ခွဲအတွင်း အပြီးဆောက်လုပ်သွားမှာ ဖြစ်ပြီး စတင်ဆောက်လုပ်မယ့် အချိန်ကာလကို ရန်ကုန်တိုင်းအစိုးရအဖွဲ့နဲ့ ညှိနှိုင်းသွားမယ်လို့ ဦးလှဌေး က ပြောပါတယ်။
ပြီးခဲ့တဲ့ မတ်လက မင်္ဂလာဈေးကို အသစ်ပြန်ဆောက်မလား၊ ပြန်လည်ပြင်ဆင်မလားဆိုတာကို ဈေးသူ ဈေး သားတွေ မဲခွဲခဲ့ရာ အသစ်ပြန်လည်ဆောက်လုပ်ဖို့ ဆုံးဖြတ်ခဲ့တာဖြစ်ပါတယ်။
ပြီးခဲ့တဲ့ ဇန်နဝါရီလ ၉ ရက်နေ့က မင်္ဂလာဈေးမီးလောင်မှုမှာ ဆိုင်ခန်းပေါင်း ၁၆၀၀ ကျော် မီးထဲပါသွားတာဖြစ် ပါတယ်။