မြန်မာစစ်တပ် မလေးရှားမှာ စစ်ပညာသင်မည်

• 
  2011-10-22

မြန်မာ ကာကွယ်ရေးဝန်ကြီးဌာန ဝန်ကြီး ဒုတိယဗိုလ်ချုပ်ကြီး လှမင်းဟာ မလေးရှားနိုင်ငံကို ပြီးခဲ့တဲ့ ကြာသပတေးနေ့ကတည်းက ရောက်ရှိနေပြီး သုံးရက်ကြာ ခရီးစဉ်အတွင်း မလေးရှား ကာကွယ်ရေး ဝန်ကြီးနဲ့ တွေ့ဆုံဆွေးနွေးပြီး နှစ်ဘက် သဘောတူခဲ့တာလို့ သတင်းမှာ ဖော်ပြထားပါတယ်။

အခု သဘောတူညီချက်ဟာ နှစ်နိုင်ငံ စစ်ရေးအရ ပူးပေါင်းဆောင်ရွက်မှု တိုးတက်လာအောင် ဆောင်ရွက်ချက် ဖြစ်တယ်လို့ မလေးရှား ကာကွယ်ရေးဝန်ကြီး မစ္စတာ Ahmed Zahid က ဆိုပါတယ်။

ဒါ့အပြင် မလေးရှားနိုင်ငံက စစ်လက်နက်ပစ္စည်း ထုတ်လုပ်နည်းတွေကို လေ့လာမှာ ဖြစ်သလို မလေးရှားထုတ် စစ်လက်နက်ပစ္စည်းတွေကို လည်း မြန်မာအစိုးရက ဝယ်ယူဖို့ ပြင်ဆင်နေတယ်လို့ ဆိုပါတယ်။ ဘယ်လိုပစ္စည်းတွေ ဆိုတာကိုတော့ သတင်းမှာ ဖော်ပြမထားပါဘူး။

ဒုတိယဗိုလ်ချုပ်ကြီး လှမင်းရဲ့ မလေးရှားနိုင်ငံ ခရီးစဉ်ဟာ နှစ်ပေါင်း ၃ဝ အတွင်း မြန်မာအစိုးရဘက်က ပထမဆုံးအကြိမ် သွားရောက်လည်ပတ် တာ ဖြစ်ပါတယ်။