ကချင်စစ်ပြေးဒုက္ခသည်တွေ အကူအညီ အထူးလိုအပ်နေ

• 
  2012-05-06

ကျန်းမာရေး စောင့်ရှောက်မှုတွေ အထူးလိုအပ်နေတာလို့ သူကပြောပါတယ်။

" မိုးရာသီရောက်တော့မယ်။ နေစရာထိုင်စရာတွေက ပိုပြီးတော့ အခက်အခဲဖြစ်နေပြီ။ ကျန်းမာရေး အခြေအနေရော၊ လူနေထူထပ်တာရော၊ ခလေးတွေကျောင်းနေဖို့ ကိစ္စက အရေးတကြီး လိုအပ်ချက်ဖြစ်နေတယ်။ နောက်ပြီး တရုတ်ပြည် ဘက်အခြမ်းမှာ၊ တရုတ်ပြည်နယ်စပ်ပေါ့နော်။ အဲဒီက ဖာသာတွေရဲ့ ပြောပြချက်အရ ကုလသမဂ္ဂတို့ ဘယ်တို့က အကူအညီတွေရောက်နေပြီ၊ သတင်းတွေပါပြီးတဲ့ အခါကျတော့ လူတွေက ရနေပြီပဲ၊ မလိုတော့ဘူးပဲလို့ ထင်သွားပုံရပါတယ်တဲ့။ မလာကြ တော့ဘူးပေါ့နော်။ အကူအညီတွေက အမှန်တကယ်တော့ အရမ်းကို လိုအပ်နေဆဲပါ။ စစ်ပွဲတွေပြီးသွားလို့ ရှိရင်တောင်မှ ဒီလိုမျိုး လူမှုကူညီရေးကိစ္စတွေက ပြီးဦးမှာ မဟုတ်သေးဘူးပေါ့နော်။ အခုစစ်ပွဲတွေ ဖြိုးဖြိုးဖြောက်ဖြောက် ဖြစ်နေတဲ့ အချိန်မှာ ဒုက္ခသည်တွေ ထပ်တိုးလာဖို့ပဲ ရှိတယ်" လို့ မဇင်မာအောင်က ပြောပါတယ်။

လူသူအရောက်နည်းတဲ့ စခန်းတွေကိုလည်း သွားရောက်ပြီး အဝတ်အထည်နဲ့ငွေကြေး လှူဒါန်းခဲ့တဲ့အကြောင်း၊ အဓိကအားဖြင့် စိတ်ပိုင်းဆိုင်ရာအရ အားပေးတာ ဖြစ်တဲ့အကြောင်းနဲ့ တောင်ပေါ်သား ကချင်ပြည်သူတွေနဲ့အတူ မြေပြန့်က လူထုကလည်း ဒုက္ခကို မျှဝေခံစားပြီး သူတို့နဲ့အတူ ရပ်တည်တဲ့အကြောင်း ပြသတဲ့အနေနဲ့ သွားရောက်ကူညီတာလို့လည်း ပြောပါတယ်။