စက်မှုဝန်ကြီးဌာန ကျပ်ငွေ ၉ဝ ဘီလီယံ အရှုံးပေါ်

• 
  2014-09-27

စက်မှုဝန်ကြီးဌာနဟာ ဘဏ္ဍာရေးနှစ် ၂ နှစ်တာကာလအတွင်း ငွေကျပ် ၉၀ ဘီလီယံနီးပါး အရှုံးပေါ်ခဲ့တယ်လို့ ဒုတိယဝန်ကြီး ဦးသိန်းအောင်က  ပြောပါတယ်။

မနေ့က ကျင်းပခဲ့တဲ့ ပြည်ထောင်စုလွှတ်တော်အစည်းအဝေးမှာ နိုင်ငံတော်ပိုင် စီးပွားရေးအဖွဲ့အစည်းတွေက စီမံခန့် ခွဲပြီး အရှုံးပေါ်နေတဲ့ စက်ရုံ၊ အလုပ်ရုံတွေအခြေအနေနဲ့ ပုဂ္ဂလိကပိုင်ပြုမှု အခြေအနေတွေကို ဝန်ကြီး ဌာနတွေက တင်ပြရာမှာ ဒုတိယဝန်ကြီး ဦးသိန်းအောင်က အခုလို ပြောကြားခဲ့တာပါ။

"၂၀ဝ၁၂-၁၃ ဘဏ္ဍာရေးနှစ် မှာဆိုလို့ရှိရင် ကျနော်တို့ စုစုပေါင်း ၃၆.၅၂၃ ဘီလီယံ ရှုံးခဲ့ပါတယ်၊ လုပ်ငန်းခြောက်ခုမှာ လုပ်ငန်းနှစ်ခုပဲ မြတ်ပြီးတော့ လုပ်ငန်းလေးခုကအရှုံးနဲ့ရင်ဆိုင်လာခဲ့ရပါတယ်၊ အလားတူပါပဲ ၂ဝ၁၃-၁၄ ဘဏ္ဍာရေးနှစ် မှာဆိုလို့ရှိရင် ကျနော်တို့ဝင်ငွေဟာ ၁၃ဝ.၈၄၅ ဘီလီယံ အသုံးစရိတ်က ၁၈၂.၆၃၂ ဘီလီယံ ဖြစ်တဲ့အတွက်ကြောင့် ၅၁.၇၈၇ ဘီလီယံ အထိ ရင်ဆိုင်လာခဲ့ရပါတယ်"

ပြည်ထောင်စုလွှတ်တော်အစည်းအဝေးမှာ စက်မှုဝန်ကြီးဌာနအပြင် ပြန်ကြားရေး၊ သမဝါယမ၊ မွေးမြူရေး ရေလုပ်ငန်း နဲ့ ကျေးလက်ဒေသဖွံ့ဖြိုးရေး၊ ပို့ဆောင်ရေး၊ လျှပ်စစ်စတဲ့ စတဲ့ဝန်ကြီးဌာနတွေကလည်း အရှုံးပေါ် နေတဲ့ စက်ရုံ၊ အလုပ်ရုံတွေရဲ့ အခြေအနေတွေကို တင်ပြခဲ့ကြပါတယ်။